قصه حب الورده والطائر

 ca-pub-7540358881095488


ذات مره وقع طائر في حب وردة بيضاء وقرر ان يصارحها..ولكنها رفضت وقالت انها لا تحبهـ..فظل يصارحها بشكل يومي..حتي قالت لهـ الوردة البيضاء عندما يصبح لوني احمر سوف احبك..ففي احد الايام اتي الطائر وقطع جناحيهـ ونشر دمائهـ علي الوردة البيضاء حتي اصبح لونها احمر..وحينها ادركت االوردة كم احبها ا lلطائر…ولكن الوقت كان قد فات... لأن الطائر كان قد .......... مــــــــــــــــــــــــــــــــــــات 
لذلك :: عليك احترام مشاعر الشخص الذي يحبك قبل ان يموت وتأكد انهـ سوف يحبك لآخر العمر

نكته الولاد

كان في مره واحده عندها ثلاثه اولاد 2 بيض وواحد اسود فالولد الاسود سئلها في يوم  ماما انا ليه اسود واخواتي بيض قالتله اتلهي انا لو اتكلت علي ابوك لا كنت جايبه ابيض ولا اسود

نكته الصعيدى و ابوه

مرة واحد صعيدى اتخانق مع ابوة سبلة البيت ومشى ابوة قالة رايح فين ؟ مردش علية وقام

موقف تاكسى وركب السواق قالة على فين ؟

قالة إذا كان مقلتش لابويا هقلك انتا

نكته انجزات الدول

واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل على ان من 5000 سنه كان عندنا المحمول

نكته الصعيدى والاتوماتيك

واحد صعيدي دخل محل أجهزة كهربائية و سأل البياع ? بكام التليفزيون ده رد عليه البياع بقرف – إمشي ياله , ما بنبعش لصعايدة زعل الصعيدي من التفرقة العنصرية و قرر أن يشتري التليفزيون على سبيل العند , فحلق شاربه و ارتدى بدلة فاخرة و عاد للمحل – مساء الخير , بكام التليفزيون ده من فضلك فرد البياع – امش ياله ما بنبعش لصعايدة إتغاظ الصعيدي لأن البياع تعرف عليه , و قفلت معاه يشتري التليفزيون فعاد للمحل مرتديا ملابس إمرأة منقبة و غطى وجهه تمامآ و قال للبياع بصوت رفيع السلام عليكم يا أخي, بكم تبيعون هذا التليفزيون إن شاء الله فرد عليه البياع: إمش ياله ما بنبعش لصعايدة الصعيدي انجن فخلع النقاب صائحآ أنت بتعرفني كيف كل مرة يا ولد الفرطوس ؟ فرد عليه البياع : علشان ده مش تليفزيون , دي غسالة فول أوتوماتيك

نكته مسابقه الادب

مره راجل مهم من بتوع الادب حب يعمل جايزه لاكبر بحث فجاب 3 واحد صيني وواحد فرنسي وواحد صعيدي الصيني عمل 300 صفحه والفرنساوي عمل 500 صفحه جه الصعيدي عمل6000 صفحه فادولو الجايزه وجم يقرؤا البحث لقوا البدايه عباس ركب الفرس قالوا الله شكله جميل فتحوا الاخر لقوا عباس نزل من ع الفرس قالوا الله ده ميه ميه فتحوا في النص لقوا درجن درجن درجن…

نكت حسنى مبارك

الرئيس حسني مبارك بالطيارة قرر يرمي 100 جنيه يفرح بها عائلة مصرية

قالت زوجته: خليهم خمسين تين وفرح عيلتين

قال ابنه: خليهم 25 وفرح أربع عائلات

قال كابتن الطيارة: يا عم أرم نفسك وفرح 86 مليون مصري.

———— ——— ——— ——— ——— —-

علاء مبارك شارك في من سيربح المليون …..

وصل لآخر سؤال، السؤال: من هو أكبر حرامي في مصر ؟

طلب مساعدة صديق واتصل بأخوه جمال

رد عليه جمال: انسحب باللي كسبتوا وما تخسرش أبوك!!

———— ——— ——— ——— ——— –

حسنى مبارك راح مدرسه ابتدائي فلما جت فتره الاسئله ولد رفع ايده

مبارك سأله اسمك إيه ؟ قاله رامي .. فقاله إيه سؤالك يا رامي ؟

رامي : أنا عندي أربع أسئلة

1.  ليه آنت رئيس بقالك 30سنه ؟

2.  لسه معينتش نائب ؟

3.  ليه ولادك ماسكين كل حاجه في البلد ؟

4.  ليه مصر حالتها الاقتصادية زفت وآنت مبتعملش حاجه؟

ساعتها بالضبط رن جرس الراحة وبعد الراحة رجع مبارك وقال احنا كنا فين يا ولاد؟

مين عنده سؤال؟

ولد صغير تانى رفع ايده فمبارك سأله اسمك إيه قاله تامر فقاله سؤالك إيه يا تامر ؟

تامر: أنا عندي 6 اسئله

1.  ليه انت رئيس بقالك 30 سنه ؟

2.  لسه معينتش نائب ؟

3.  ليه ولادك ماسكين كل حاجه في البلد ؟

4.  ليه مصر حالتها الاقتصادية زفت و انت مبتعملش حاجه ؟

5.  ليه جرس الراحة رن ربع ساعة بدري ؟

6.  وبعدين فين رامي ؟؟؟؟؟؟ !!!!!

———— ——— ——— ——— ——

مبارك  : عارف يا إبليس ياخويا, أنا عاوز اعمل في الشعب المصري حركه تطلع من نافوخهم

إبليس : طب هات ودنك وخد الفكرة دي ….وش وش وش وش

مبارك   : لألا يا إبليس الفكرة دي مش نافعة , عاوز حاجه أشد

إبليس : طب خد دي …… وش وش وش وش

مبارك  : لألا , برضه مش نافعة , إيه يا إبليس انت بقيت خرع كده ليه , هات بقه ودنك وأنا أقولك أنا نويت اعمل فيهم إيه وش وش وش وش وش

إبليس : اتقي الله يا راجل حرام

———— ——— ——— ——— ——— ——-

واحد واقف في زحمة المرور لقي واحد متطوع بيخبطله على شباك السيارة ,فتح الشباك وسأله عايز إيه

قاله : الرئيس مبارك خطفوه والفدية 5 مليون دولار ولو الفدية ماتدفعتش .. الخاطفين هددوا يدلقوا عليه بنزين ويولعوا فيه

وإحنا بنجمع تبرعات .. تحب تشارك ؟

الرجل ! سأل " :  وفي المتوسط الناس بتتبرع بكام"

المتطوع : " من 5 إلى 10 لتر بنزين .

———— ——— ——— ——— ——— —

مبارك مد إيده في جيبه لقي  5  مليون جنيه !!

زعل قوي وخاف وقال: إيه الفلوس دي ؟!! الفلوس دي حرام؟

سأل أحد مساعديه فدله على طريق الشيخ طنطاوي رئيس الأزهر !

ما كدبش خبر وجري على طنطاوي وحكا له القصة فرد:

5 مليون بس .. إيه النزاهة ديه ؟؟؟

دي بسيطة خالص يا ريس ما تزعلش نفسك؟

كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص.

الريس راح يمشي، وهو ماشي لقي صفوت الشريف ماشي في نفس الشارع فقاله:

أنت بتعمل إيه هنا؟ أنت حتمشي كام؟

صفوت قاله 78 كيلو يا ريس.

الريس: يخرب بيتك؟!!! ده أنت نهبت البلد !!

صفوت: أنت جاي عليا وبتحاسبني؟ روح شوف علاء ابنك جايب موتوسيكل وبقاله 3 أيام ماشي بيه

———— ——— ——— ——— ——— —-

حسني مبارك فى سرير المرض وقاعد يلقى بوصاياه الأخيرة لوزيره احمد نظيف :

 -  وصيتك الحكم من بعدى يا احمد  …

-  فى رقبتى يا ريس … كله تمام والسلطة هياخدها جمال  …

 -  ثم راح فى غيبوبة .. أفاق منها بعد قليل  …

 -  وصيتك الشعب من بعدى يا احمد .

 -  ما تخافش يا ريس .. الشعب ياكل الزلط  …..

 -  ثم راح فى غيبوبة .. أفاق منها بعد قليل…. -  احمد ..!  -  نعم يا ريس؟

 -  بس ماتنساش .. توكيل الزلط لعلاء !!!!

———— ——— ——— ——— ——— ——

حسني مبارك بيخطب في الشعب … كل شويه واحد يقوم ويقول … عاش حسني مبارك موحد الاديان ويقعد ..

يروح حسني مكمل كلامه وشويه ويقوم الراجل ويقول… عاش حسني مبارك موحد الاديان …

اتمسك من امن دوله وطاخ طاخ طاخ ..

قالوله ايه الي انت بتقوله ده ؟!!…. ازاي موحد الاديان ؟؟؟ …….دي مصر فيها مسلمين ومسيحين ويهود وطااااااخ ..

رد عليهم علشان كده يا باشا هوه موحد الأديان …

علشان هوه اللي مكفرنا كلنا…. !!!!

———— ——— ——— ——— ——— —–

واحد لقى الفانوس السحرى ودعكه طلعله العفريت

و قالـــه:  شبيك لبيك تطلب أيه ؟

قاله الراجل :   ;أنا عايز كوبرى بين القاهرة وأسوان

العفريت قاله : دى صعبه قوى .. شوف ح! اجه تانية

الراجل قاله   : خلاص خلى حسنى مبارك يسيب الحكم

العفريت قاله : أنت عايز الكوبرى رايح جاى ولا رايح بس؟

———— ——— ——— ——— ——— -

إخبرنى بصراحة يا نظيف ولا داعى للمجاملة أو النفاق  .

نظيف  : أمرك يا ريس

الريس : أنا الأفضل و لا عبدالناصر ؟

نظيف  : انت طبعا يا ريس .. جمال مين دا اللى كان بيخاف من الروس  !!

الريس : طيب أنا الأفضل ولا السادات ؟

نظيف!  : سادات مين دا ياريس اللى كان بيخاف من الأمريكان  !!

الريس:  طيب أنا الأفضل ولا عمر بن الخطاب ؟

نظيف : يا ريس .. عمر بن الخطاب كان بيخاف من ربنا !!

قصه المسن وزوجته

كان يذهب يومياً لدار الرعاية بالمسنين لتناول
الإفطار مع زوجته رغم أن عمره اقترب م...ن الثمانين .

عندما سألته عن سبب دخول زوجته لدار الرعاية بالمسنين؟ قال إنها هناك منذ فترة لأنها مصابة بمرض الزهايمر (ضعف الذاكرة)

...سألته: وهل ستقلق زوجتك لو تأخرت عن الميعاد قليلا؟

فأجاب: إنها لم تعد تعرف... من أنا !

إنها لا تستطيع التعرف عليّ منذ خمس سنوات مضت...

قلت مندهشاً:
ولازلت تذهب لتناول الإفطار معها كل صباح على الرغم من أنها لا تعرف من
أنت؟

ابتسم الرجل وهو يضغط على يدي وقال:
هي لا تعرف من أنا ..
ولكني أعرف من هي ♥

قصه فتاه من ابطال ثوره 25 يناير

مع الشروق تتخلل اشعه الشمس الى غرفه فتاه شابه جميله

تقرأ على وجها علامات البرأه و الامل

و حينها بدأت ثوره 25 يناير بالاشتعال
الثوره اللتى غيرت مجرى حياه
مصر

استيقظت الفتاه اللى كانت تبلغ من العمر22 و الاسم ليلى

تستيقظ مع الشروق و تأكل و تجهز
نفسها للعمل فهى تعمل طبيبه
فكانت تسلى نفسها فى العمل
بقراءه الجريده فقرأت عن اشتعال ثوره 25 يناير فكتفت بقراءه جزء صغير و مع الايام اشتعلت الثوره اشتعالا كبيرا جدا
فشعرت انها يجب ان تفعل شئ مهم
فطلبت من والداها ان تذهب لميدان التحرير لتداوى المرضى فكان الرد الذى كان متوقعا

لا يمكن ان تذهبى ف انتى فتاه و لا يمكن يمكن ان تموتى او تصابى

لكن كان فكرها هو الوطن الذى عاشت
فيه بكرامتها و ايام طفولتها

جاء الوقت لتقدم بعض من الذى فعله لنا

فذهبت للنوم و هى غير راضيه لكن بعد اياام

اصرت على هذا فى نفسها

فخرجت من العمل على ميدان التحرير

و ارسلت رساله لوالدتها و والدها

تقول فيها

امى العزيزه ابى العزيز

فكرت مليا و اكتشفت ان من ذهابى الى ميدان التحرير

ليس تطوعا

بل انه واجب على وواجب على كل مصرى او مصريه

فان احيانى الله فسوف اكون فخوره بما فعلت لوطنى

و ان توفانى الله

سأموت

شهيده

و هو شرف رائع ان اموت فداء للوطن
فأنا اقوم بدور بسيط معالجه الابطال
الذين سوف يغيروا مصر للاحسن

و ارجو ان تكونوا راضيين عنى

فذهبت فى طريقها و ووجها يملأه الامل
ووصلت الميدان و كم كانت فرحتها عندما رأت روح التعاون و الانتماء الى الوطن فى الشباب و الشابات

فداوت المرضى بكل سرور و جاءت لها رساله من والداها تقول

ابنتى العزيزه نحن فخورين بكى جدا
و ارجو ان يوفقك الله و يحميكى يا ابنتى الغاليه و تعودى لنا بالسلامه

فكتملت فرحتها و سهرت مع المرضى تدواهيم ولا يهما الطلقات فهى تعل ذلك لاجل الوطن

الى ان جاءت طلقات تدوى من كل مكان و الناس يجرون فأصابتها رصاصه هادفه
فوقعت على الارض و هى تنزف

فجتمع الناس ليداوها فهى كثيرا ما فعلت لهم و داوتهم

لكن كانت تلتقط انفاسها الاخيره

لكن كانت لا تتألم كثيرا فالنعيم الذى تراه يغطى على الالم

تعرف ان بيتها الان الجنه
و انها ماتت فداء لوطنها

فماتت بطلتنا ليلى و هى مبتسمه
لانها فعلت شئ للوطن

قصه فيكتورين رلافوركاد (من التراس الفرنسى)

هذه القصة ابعثها لكم وهي وتعتبر من القصص الرومانسية...........

كانت فتاة رائعة الجمال تدعى"فيكتورين لافوركاد" من أسرة نبيلة واسعة الثراء وتقيم في قصر بالغ الفخامة تدعو إليه نجوم المجتمع الفرنسي في حفلات أنيقة ورائعة , وفي إحدى تلك الحفلات التقت بشاب كاتب يدعى "جوليان بوسويه" وهو وسيم , بارع الحديث , محبوب في الأوساط الاجتماعية , ولكنه فقير. أحب هذا الشاب الفقير تلك الفتاة الثرية, فتقدملها طالباً الزواج منها...

ولكنها رفضت وفضلت عليه شاباً من أسرة ثرية يدعى "رينل".

ولكنها بعد أن تزوجت " رينل" اكتشفت انه فظ غليظ القلب, لم تحتمل قسوته فمرضت مرضاً خطيراً حتى ظهرت عليها كل دلائل الموت الحقيقي..فدفنت في مقبرة عادية بالقربمن القرية التي ولدت فيها حسب وصيتها.وحين علم "جوليان" بنبأ وفاتها..

ذهب إلى قبرها حيث تملكته رغبة جامحة في أن يحتفظ من آثارها بشيء يذكره بها طوال حياته. وبعد أن انتصف الليل وأصبح المكان مهجور أخذ يحفر قبرها حتى أخرج التابوت ثم نظر بداخله وأخذ يبكي.

بعدها اقترب من رأسها ليجتزخصلة من شعرها وهو يتحسس وجه حبيبته في رفق وأسى. وإذا بأهدابها ترتعش ثم تفتح عيناها الجميلتان. صعق "جوليان"فزعا..ولكنه تمالك قواه وسرعان ماحملهابين يديه وسار إلى مسكنه المتواضع..وأسعفها حتى أفاقت.

أسرع "جوليان" إلى المقبرة قبل شروق الشمس , فدفن التابوت الفارغ , حتى لا يدري بسرهما أحد..ولزمت" فيكتورين" مسكن "جوليان" عدة أيام حتى استرجعت صحتها كاملة موفورة..

ومع إخلاص "جوليان" النادر اتفقت معه على السفر الى أمريكا حيث يبدآن حياة جديدة.وبعد عشرين سنة كاملة عادا الى باريس لقضاء إجازة قصيرة.. وفي إحدى الحفلات, وقفت "فيكتورين" بين المدعوين, وفجأة تولتها رعشة عنيفة, شاهدت عينين ثاقبتين تطيلان التحديق فيها.. إنهما عينا "رينل" زوجها السابق الذي تقدم لها قائلاً: إنك تشبهين كثيراً سيدة أعرفها!!أفزعها الموقف..

وظنت أنه يشك في أنها هي زوجته.. وأمام صمتها الرهيب ظل "رينل" يصعد بنظراته حتى توقف عند ذراعها الأيسر.. فتجمد الدم في عروقها لأنها تذكرت أنه قذفها مرة بقطعة حديد أصابت ذراعها هذا بجرح عميق ترك أثراً بعد التآمه.. فصاح"رينل": "فيكتورين" !!! فلم تجد المرأة إلا أن تعترف بالحقيقة, وكيف أن حب "جوليان" أنقذهامن الموت.. فما كان أمام الزوج إلا أن يطلق زوجته..

وهكذا زفت "فيكتورين" الى "جوليان":o :o

قصيده التاشيره لهشام الجخ

أسبِّح باسمك اللهُ
وليس سواكَ أخشاهُ
وأعلَمُ أن لي قدراً سألقاهُ (إشباع الهاء) . سألقاه
...وقد عُلِّمتُ في صغري بأن عروبتي شرفي وناصيتي وعنواني
وكنا في مدارسنا نردد بعضَ الحانِ
"بلاد العُرب أوطاني .. وكل العرب أخواني"
وكنا نرسمُ العربيَّ ممشوقاً بهامتِه
لَهُ (إشباع الهاء) صدرٌ يصدُّ الريحَ إذ تعوي .. مهاباً في عباءته
وكنا مَحْضَ أطفالٍ تحرّكنا مشاعرُنا
ونسْرحُ في الحكايات التي تروي بطولتَنا
وأن بلادنا تمتد من أقصى إلى أقصى
وأن حروبنا كانت لأجْل المسجدِ الأقصى
وأن عدوَّنا صهيونَ شيطانٌ له ذيلُ
وأن جيوش أمتِنا لها فعلٌ كما السّيلُ
سأُبحرُ عندما أكبرْ
أمرُّ بشاطئ البحرين في ليبيا
وأجني التمرَ من بغدادَ في سوريا
وأعبر من موريتانيا إلى السودان
أسافر عبْر مقديشيو إلى لبنان
وكنتُ أخبئ الألحان في صدري ووجداني
"بلاد العُرْب أوطاني .. وكل العرب أخواني"
وحين كبرتُ .. لم أحصلْ على تأشيرةٍ للبحر .. لم أُبحرْ
وأوقفني جوازٌ غيرُ مختومٍ على الشباك .. لم أعبرْ
كبُرتُ أنا وهذا الطفل لم يكبرْ
• * * *
تقاتِلُنا طفولتُنا
وأفكارٌ تعلَّمنا مبادءَها على يدِكم أيا حكامَ أمتِنا
ألستم من نشأنا في مدارسكم ؟
تعلَّمنا مناهجَكم
ألستم من تعلمنا على يدكم بأن الثعلبَ المكارَ منتظِرٌ سيأكل نعجةَ الحمقى إذا للنوم ما خَلَدُوا ؟
ألستم من تعلمنا على يدكم بأن العودَ محميٌّ بحزمته ضعيفٌ حين ينفرد ؟
لماذا الفُرقةُ الحمقاءُ تحكمُنا ؟
ألستم من تعلمنا على يدكم أن اعتصموا بحبل الله واتحدوا ؟
لماذا تحجبون الشمسَ بالأَعلام؟
تقاسمتم عروبتَنا ودَخَلاً بينكم صِرنا كما الأنعام
سيبقى الطفل في صدري يعاديكم
أنا العربيُّ لا أخجلْ
وُلِدتُ بتونسَ الخضراءِ من أصلٍ عُمَانيٍّ وعُمري زادَ عن ألفٍ وأمي لم تزل تحبَلْ
أنا العربي في بغدادَ لي نخلٌ وفي السودانِ شرياني
انا مصريُّ موريتانيا وجيبوتي وعَمَّانِ
مسيحيٌّ وسني وشيعي وكردي وعلوي ودرزي .. أنا لا أحفظُ الأسماءَ والحكامَ إذ ترحلْ
سَئِمنا من تشتُتِنا وكلُّ الناسِ تتكتّل
ملأتُمْ دينَنَا كذباً وتزويراً وتأليفا
أتجمعنا يدُ الله ؟ وتبعدنا يد (الفيفا) ؟؟
هجرْنا دينَنا عَمْدا فَعُدنا الأَوْسَ والخزرج
ونعبدُ نارَ فتنتِنا وننتظرُ الغبا مَخرج
• * *
أيا حكامَ أمتنا
سيبقى الطفلُ في صدري يعاديكم
يقاضيكم
ويعلنُ شعبَنا العربيَّ مُتَّحِدا
فلا السودانُ منقسمٌ ولا الجولانُ محتَلٌّ ولا لبنانُ منكسر يداوي الجرحَ منفردا
سيجمعُ لؤلؤاتِ خليجِنا العربيِّ في السودان يزرعُها فيَنبتُ حبُّها في المغربِ العربيِّ قمحاً يعصُرون الناسُ زيتاً في فلسطينَ الأبيّةِ يشربون الأهلُ في الصومال أبدا
سيُشعلُ من جزائرِنا مشاعلَ ما لها وهنُ
إذا صنعاءُ تشكونا فكلُّ بلادِنا يمنُ
سيخرجُ من عباءتِكم – رعاها الله – للجمهور مُتَّقِدا
هو الجمهورُ لا أنتم
أتسمعني جحافلُكم ؟
أتسمعني دواوينُ المعاقلِ في حكومتِكم ؟
هو الجمهور لا أنتم ولا يخشى لكم أحدا
هو الإسلام لا أنتم فكفّوا عن تجارتكم وإلا صار مرتدا
وخافوا .. إن هذا الشعبَ حمَّال
وإن النوقَ إن صُرِمَتْ فلن تجدوا لها لبناً ولن تجدوا لها ولدا
أحذِّرُكم .. سنبقى رغم فتنتِكم فهذا الشعبُ موصولُ
حبائلُكم وإن ضَعُفَتْ فحبلُ اللهِ مفتولُ
أنا باقٍ .. وشرعي في الهوى باقِ
سُقِينا الذلَّ أوعية .. سُقينا الجهلَ أدعية
ملَلْنا السقْيَ والساقي
سأكبرُ تاركاً للطفل فرشاتي وألواني
ويبقَى يرسم العربيَّ ممشوقا بهامته ويبقى صوتُ ألحاني
"بلاد العرب أوطاني .. وكل العرب أخواني"

قصيده وعشان غنى لهشام الجخ

وعشان غنى ومعاه فلوس
هملتنى وراحتله
ابكى على نفسى ولا
عالمسكين اللى راحتله
ولانى راجل مليونير
والخير كتير
عليت عيونى عالبكا
وقلت اسيبهاله زكا
ودفنت ايدى فالسويتر
وابتديت اشوط الطوب
واغنى كنا نتلاقى من عشية


كوبرى الزمالك زى ماهو
البنات هم البنات
والولاد هم الولاد
والدرابزين الحزين
لساه رزين
والكلاكسات اللى سارحة فالودان
واللى بيوشوشها فعيونك غموض
واللى بيوشوشها فعيونك امان
بس المكان هو المكان
خمسين سنة والكوبرى
مصلوب عالطريق
لا انا كنت اول مين يحب
ولا يوم هكون اخر عشيق
وادى البنات ألوفات
مترصصين عالكوبرى
يعنى انتى اجمل واحدة فيهم؟؟
ده انتى لو كشيتى فيهم تفزعيهم
صدقيـــــنى
صبغة الكذب اللى نزلت من ملامحك
غيرت شكلك نهائى
شوشت صورتك فقلبى
بقيت ملامحك
فاستخبيت جوه دائى
جوه ابيات القصيدة

المكان هو المكان
والبنات هم البنات
فى اللى فازوا بالنهار
وفى اللى تاهوا فى البعاد
وانتى واحدة من اللى تاهو
اما انا ... فزى ما انا
وكوبرى الزمالك زى ما هو

بعيد عنك حياتى عذاب
متبعدنيش بعيد عنك
ماليش غير الدموع ......0
ام كلثوم الشقية
ضحكت عليا
سهرتنى الليل بطوله
اكتب الشعر اللى نفسك تسمعيه
وانا لاجل خاطرك مش هاقوله
وان كان حبيبك شاعر كتبيه
وابعتيلى قصايده اول باول
اه يا زمن .....يا احول
بقى ابقى حبيتك
وبقيتك عن الدنيا وما فيها
واصطفيتك
سبتلك وردة فؤادى تقطفيها
كنت فاكرك هتراعيها
وتداريها بين ضلوعك
وان مكفتهاش دموعك
من دماكى تضيًفيها
كنت فاكرك يوم ما اقول الاه
هاتخدى منى الآهة تخففيها
ولا كنت يوم يخطر عليا
انى لو مديت اديا
ليكى ممكن تكسفيها
يا ام كلثوم
الغرام محتاج حموم
قبل متغنى لقلوب الناس
تعالى نضفيها

قصيده حمارين حبيبه لهشام الجخ

وبقولها انا انت
وانت انا
مين الحمار فينا
اتا اللى حمار ولا الحب
اللى نازل رجرجة فينا
طب انت انا ... وانا انت
وجه فينا اللى جه فينا
حظوظ الناس مصالحاهم
وحظنا ليه مجافينا
طظ يا حظ يا ملاوع
هحبها ويكش تولع نار
هاكونلها بر وسفينة
هنتحمل وهنكيدك
ونضحك رغم ما فينا
وشوف غيرنا يا حظ خلاص
مفيش والله رجا فينا
ده انا انت وانت انا
طب مين حمار فينا


حمار الليل مطولش
فيوم السهرة والزينة
حمار الواد بتاع اللب
فاكرة يوميها عالكورنيش
قطع احلامى وكلامى
عن الترحال ويوم سفرى
ويوم ملقاكى عالمينا
حمارة صاحبتك لما
بتمشى معاكى فالشارع
يبان حسنك يغطيها
يخللى شكلها شوارع
بحبك ظايطة فاللمة
واحب اللمة فعنيكى
وبفرح كل يوم لما
تسافر ايدى فايديكى
ياعم حسين يا ملقانا
يا شاهد فرحى وشقانا
انا اللى حمار ولا هى
ولا الحب اللى ورانا


حمارة سياسة التعليم
فدى الدولة
وقال تعليمك العالى
ياولدى يبقى ليك اولى
بقالى سنين انع يا ناس
مابين ثانوى وبين جامعة
اقول ابنى سحابة شوق
تاخدنا لفوق
وتبقى هى دى الجانعة
هاتجمعنا لوحدينا
تدارى كسوفها منينا
وانا فصدرك .. وانتى فحضنى
نرجع تانى نتلخبط
ما نعرف مين حمار فينا


ساعات اقعد مع نفسى
فليلة صيف وبلكونة
وقمراية ونص سيجارة
اروج حبة عن نفسى
وكام نظرة على اشارة
يطيروا منى للجارة
لو انتى جيرانا لزقالنا
وكاشف بيتكوا شباكنا
ماكنتش اكره الشقة ولا القعدة
هاشوفك كل يوم نايمة
وهشوفك كل يوم قاعدة
انا شايفك وشايفانى
وصوتنا موصله التليفون
اكن الكون بقى بتاعى
او احنا وبس جوه الكون
لكن حظى التعيس دايما
مخللى عمارة ولا اتنين
مابين بيتى وبين بيتك
وداروا بيتى عن بيتك
بس انا عرفت الحمار الان
فلان احمد فلان
عشان سايب كل المكان
وبانى عمايره وسطينا
وساب روحى تروح روحك
ويتلاقوا فنص السكة
مابينك وبين الكون
يطيروا فالهوا حبة
يدوبوا حب ومحبة
ابصلهم يا وخدانى
وقلبى صافى ومزقطط
وارجع تانى واتلخبط
ولا اعرف مين حمار فينا


بحبك نانا او ناعسة
بحبك ليلى او المظ
نعيمة .. تمر حناية
بحبك وانتى بالمينى جيب
واحبك شال ودلاية
بحبك وانتى فالتليفون وفالجوابات
بحبك ...... وانتى ويايا
بحبك بت حكاية ورغاية
تصحى سكوتى جوايا
تلاعبينى واغمى عيونك السودة
صوابع ايدك الممدودة
بتدور على حضنى وتتدور
كسوفك عنى حايشنى وحاششنى
وطيش حبك مطيشنى
كفاية تعبت مالطيشان
مفيش مرسى يدفينا
ايديكى تنام على صدرى
فحتة يدوب تكفينا
وليل نعسان يغطينا
تغير الشمس منينا
تصحينا
يهيج قلبى ويتخبط
وارجع تانى واتلخبط
ولا اعرف مين حمار فينا


بحبك طايشة جواية
مسافرة ضلوعى فضلوعك
وانا طوعك
يزلزل صوتك الزلزال ويحينى
يخلينى انا ... عصفور فشباكك
يا ناشرة فالمدى شباكك
ايديكى يوم ما ضمتنى
حضنت الكون بكفة ايد
وبالتانية سندت القلب فمكانه
بحبك .... يااااااااااااه .....
يا نار فالقلب نوارة
انا حمار اللى حبيتك
وخليتك بحبى حمارة
يــــا حمــــــارة

قيصيده ادينى نجحت لهشام الجخ

أديني نجحت
وشمتت فيا البوابات

والمدرج والسلالم
والحيطان قالت يا عالم

بكرة هنشوف منه تاني ولا غار
وإرتحنا منه بعد ما طال الإنتظار

دار الضيافة علقت زينة بسرينة
والمسرح اللي يدوب عرفني مرتين عامل فرح
هشام نجح

وإرتحنا منه ومن كلامه ومن قصايده ومن اللومان اللي يوماتي بينفتح
هشام نجح
ونجاحه عبرة وموعظة ودرس إنشرح

إسمع وإعي
يا كل طالب في النشاط الجامعي إسمع وإعي
كان في هنا واد أسمراني ألمعي
عملي فيها الأصمعي
وكتب قصايده على الورق
وكتب حياته على الورق
يا جامعة مليانة ورق

أهو لما قالوا إنه نجح قفلوا ملفه وكفنوه
من غير ما حتى يتنعي
فإسمع وإعي

جاني الخبر وأنا في الصعيد .. فاكرينه بشرى
مقدرتش أستنى لبكره
كانت ساعتها الشمس لسه يدوب بتطلع
وأنا جاي الصبح وحدي
لسه واصل من السفر والدنيا برد
الدموع دفتلي خدي
قلت أنط السور ألم سنيني من جوه
السور غبي مرديش يخليني أعدي
سور الرعايا عشان جديد مفهمش قصدي
كل حاجة فيكي يا جامعة فرحت لما قالوا إني نجحت
أنا الوحيد اللي إتدبحت

قصيده هب النسيم لهشام الجخ

هب النسيم و سامع نغم كلماتك
و عايز اكلمك و عامل حساب لماتك
من جهه الادب ... ادبك ادب عماتك
و من جهه الجمال .. واخده جمال اماتك
****
رايد اكلمك كل ساعة ف وَسَعتنا
من بعد الضُهُر نركب ضهَر ناقتنا
قالت نعمل ايه لو العرب شافتنا
قلت قولي وُليّد عمي و ساقته جار ساقتنا

قصيده هشام الجخ وعبرو الرجال

عبروا الرجال القنال
والنصر مش ساهل
والدم ع الرمل سال
والغالية تستاهل

عبروا الرجال صايمين
حالفين يمين النصر
وحياة صلاح الدين لنصلي فيكي العصر

أما اليهود مجانين
ملقوش مكان غير مصر ؟!

إتظبطوا ظبطة تمام
والعلقة كانت موت
وأهو طلعوا بس كلام
واخدينا كان بالصوت
وكل يوم حالة وقوالة وقوالة
إعلام وكدب وزيف
لما إنتوا رجالة بنيتوا ليه بارليف ؟!

قصيده مع ركعتين الفجر لهشام الجخ

مع ركعتين الفجر
القلب بيدندن
يعلى الادان جواي
من قبل ما يأذن
يا بلال يا صوت السما
...يا أبو التجاره رباح
شرفك يطول السما
واسمك بلال يا رباح
خلي النبي يرتاح
قيم الصلاة وأذن
مع ركعتين الفجر
القلب بيدندن ..

قصيده يا وخدنى بالشبيه لهشام الجخ

يا وخدانى من الشيبه و واخده الشيبه من سني
و من سني ادوس الحزن من سني
و أسن السّن على سني
و اسنّلك شريعه و يوم يطول بطول سنين سني
يا وخدانى صغير سني
فقير سني
و انا مش شيخ و لا سنّي
دة انا اللى همومى مسّني
هموم الدنيا مسّني
ولساكى تشيلى هموم
و لسّني بحس جراحك المكبوته حاسنّي
وحسّني يا حسان الخلايق ليله حسّني
ده كل ذنوبى بس اني
بحب الأهه و الموال
واحبك نانا غيابه
و احبك موجه دوابه
و فرحه و شمعدان متقاد
بحبك ليله من كلثوم و هم الحرمه من جابر
بحبك طبله من حداد , بحبك و الله ما أنا قادر
زهقت اقول كلام متعاد
هبيعك هبقى كيف عواد ,
ماهو انتى الارض و العوّاد
خصيمك طه ما تسافرى
ولا تبالغى فى تقلانك و لا تسافرى
لا انا خيال و لا خلوى
و لا عمرى كسرت الليل
و لا يغرك كلام الناس
دة انا ترباس و حيلي قليل
اسافر كيف وراكي بلاد
و انا متقاد و مافضيش
اقولك ... لانا واد خيال
و لا الفرسه هتمشى بلاد
و برضوا تسفرى .. طب سافرى ...عليكى الذنب من سافري
ظلمتي الفرسه و الجواد ..............

قصيده ماكنتش هناك لهشام الجخ

ماكنتش هناك
ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك .... بساطك
ماكنتش فى وقت اندفاعك .... دفاعك
و لما عرفت السهاد و السهر
و اول ليله تناجى القمر
وغامت عليك السما و الليالى
سامحنى يا غالى .... ماكنتش سماك
فى اول بحبك .... ماكنتش معاك
و اول واحشني .... ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عايز افسر بكاك
يمكن لانى .... ماكنتش هناك

قصيده تختلف لهشام الجخ

يا حبيبي هذه البدايةُ تختلف
هذا البريقُ الساكن الجفنين مابين البدايةِ و البدايةِ يختلف
هذه الوجيعةُ حين يذكر اسمُها او حين يعلو في الدماء ندائها
هذه السطورُ تألفت و تجمعت كلماتُها كي تستحيل قصيدة ً..

هذه القصيدةُ تختلف


و ادى اللى صار، من يومي مطلوق ... تحت فوق
عايش حياتى بالإختيار، من غير حصار
لا أنا ناوى احب، ولا غاوى احب و لا فاضى احب
ولا لاقى سمره ترُجّنى و تخُضَنى و تصحى فيا الحبر يكتب على الورق... قلبى اتسرق

و أنا باعترف هذه الغلامه تختلف


يا ( --------------) ... انى احببتك فى زمن ما قبل زمان الأرواح
ماقبل النهرِ و قبل البحر
و قبل السٌكر و قبل الفٌجر
و قبل الراح
انى احببتك في زمن لا يعرف كيف تسافر في الأوردة جراح


و شايفك بتترعشي و شفايفك بدها تقولي: (اي-كا-دوللى)، بحبك
قد مانا مشتاقه لبلادى
و قد الوادى من النوبه لحد البحر، بحبك
قد يوم العيد و لبس العيد
و رعشة جسمى وانا واقفه بشوف النحر


و كل ليله كنت باحكي للقمر و باشهده
واما تِشتي كنت باحكي للمطر و باعقِده
لما ينزل فوق ازاز شباكك المقفول يقول:

هذه القصائد تختلف


هزي سكونى قد مللت الأن ان لا اعترف، (----------) بحبك حب صعيدي جوانى
بحبك كيف ما سكن الليل في صوت فيروز و سكن الليل في صوت قلبي و جوانى
بحبك حب حّيانى

و زود شوقى للحرقه ولل لقيا و للفرقه
وللدمعه اللى تنزل تحرق الجوابات
و كلمه ماما مش راضيه و عندي مذاكره مش فاضيه

و زود شوقى للمواعيد و للعربيد
و مشتاقلك و واحشانى و محتاجلك
بحبك


بحبك حب كان مكسوف يبين نفسه قدامى
و كان يطلعلي في منامى
في صورة جوز عيون صافيه
و بنت جمالها كله سمار و انا شايلك عروس الدار
و ضرب النار في كف عمامي مامبطلش
غريب الحلم لما يواعد النعسان و مايطولش

القصيدة الثانية والعشرون
(قالولك)

بحبك .. قد خف جملنا ما يحمل
وعرق انفار عتتغدى وترجع تاني وتكمل
قد الزرعه .. قد اللسعه وانا قاعد في ليلة برد عدفا
بحبك وانتي حبيني لاجل نسير الدفه
قالولك عني دا اسمر .. قوليلهم لونه من طينه
قالولك شعره كاركوتي .. قوليلهم وراثه عن طينه
قالولك عني مستعجل .. قوليلهم ناسه وارطينه
قالولك لخمه وبتهته .. قوليلهم علّه ولا حدش عيخلى من العلل طينه
قالولك ابوه ياما اتجوز .. قوليلهم ماله مش مالي -واني مالي- مادام مالي عيون الناس ومالي عيون نساوينه
قالولك ياما عيسافر ولا يسيبلك عناوينه .. قوليلهم صورتي منحوته في قلبه وعينه وجبينه
قالولك ايه دليل حبه .. قوليلهم اقروا دواوينه
قالولك ياما ساب قبلك .. قوليلهم دا انتوا ظالمينه
يا ريتكم زيي عارفينه
دا ساب الدنيا فوق رمشي
سيبوني اعوضه سنينه

قصيده 3 خرفان لهشام الجخ

تلات 3 خرفان
ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفارَ منهم في سبيلِ الاعترافْ
إني احبك يا بلادي مرغما
واقول شعرا يا بلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ

من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( معرمين ) شعر وادب
الوزن هو اللي اختلف ولا الميزان اللي اتقلب ؟

من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ ... وارثينه وراثة
وحاجات كتيرة مش وراثة
احنا خدناها وراثة

انا كل ما اتذكر نحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟

لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة )
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل

هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى ( المرة )
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل


همست في وِدْني ( بَحِبَّك ) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانوا العساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل تِتْحَزَّم لي بيها
ما التقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت ع الحجارة اللي ف اديه
مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟ ؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني يا وحدك
مقدرش اعيش هارب
انعس في حضنك كيف
والرملة في الصحرا واقفة وبتحارب


أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ .

قصيده انطردى الان من الجدول لهشام الجخ

موتي فالكلُّ هنا ماتوا
وأنا اعتدتُ حياتي أَرْمَلْ

واعتدتَ الهَجرَ بلا سببٍ
وبرغمِ الحيرةِ لم أسألْ

وظلَلْتُ أسجِّلُ أسماءً
وأسطِّرُ خاناتِ الجدولْ

ضُنِّي إحساسَكِ ما شئتِ
فأنا مَلِكٌ لا أتوسَّلْ

لا أبكي لفراقِ حبيبٍ
أو أترجَّى أو أتذلَّلْ

رقةُ شِعري قَوْلٌ إفكٌ


فَفُؤادي مِن صَخْرٍ جَنْدَلْ
علَّقتُ نساءً في سَقْفِي

وجلسْتُ فخورا أتأمَّلْ
وغزوتُ عُيوناً لا تُغْزَى

غافلتُ رموشاً لا تَغْفَلْ
و زَرَعْتُ النُّسوةَ في أرضٍ

لا آخرَ فيها أَوْ أَوَّلْ
ديكتاتوريا إن أُعْطِي

ديكتاتوريا إن أَبْـخَلْ
وَقَّعْتُ - أَنَا - صَكَّ الهَجْرِ

فالحاكِمُ يَعْزِلُ لا يُعْزَلْ
فانطردي الآن من الجدول

غِيبِي فَلَكَمْ قَبْلَكِ غابوا
لا شيءَ يَـجِيءُ وَ لا يَرْحَلْ

ما الوردُ إذنْ لَوْ لَمْ يَذْبُلْ ؟؟
ما الشمسُ إذنْ لو لم تَأْفُلْ ؟؟

لا تَنْتَظِرِينِي نَسْنَاساً
أَقْبَلُ يَوْمَاً أن أتَسَلْسَلْ

وَ يَـجِيءَ الناسُ إلى قَفَصِي
لِيَـرَوْا عُشَّاقاً تَتَـحَوَّلْ

تتقافزُ كالقِرَدةِ عِشْقَاً
وَ تَـمُوتُ هَيَاماً وَ تُوَلْوِلْ

لُمِّي أشياءَكِ و ارتَـحِلِي
بَحثاً عن آخرَ قَدْ يَقْبَلْ

أمَّـــايَ .. فلا ثَمَنٌ عِنْدَكِ
تَقْبَلُهُ يدايَ لِتَتَكَبَّلْ

إن كان غرامُكِ لِي نَبْعَاً
فَنِسَاءُ الدنيا لي مَنْهَلْ

وَ الجدولُ مُكْتَظٌّ جِدَّاً
بِكَثِيرٍ مِثْلِكِ بَلْ أجمَلْ

فانطردي الآن من الجدول
غِيبِي وَ تَمَادَيْ في جَهْلٍ

فأنا لا أعشقُ مَنْ يَجْهَلْ
إني بَحَّارٌ تَرْفُضُنِي

كُلُّ الشُطْآنِ فَأَتَنَقَّلْ
اِعتدتُ السفرَ على مَضَضٍ

وَ قَضَيْتُ حياتي أَتَجَوَّلْ
أرتشفُ بلاداً ونساءً

فَهُنـا عَسَلٌ وهُنا حَنْظَلْ
وهنا عشت كلص نذل

وَ هُنَا كُنْتُ نَبِيَّاً يُرْسَلْ
و هنا ذَبَحُوا شِعري عَمْدا

وهنا شعري صارَ يُرَتَّلْ
وأنا والغُربةُ ما زِلْنَا

نبحثُ عن وطنٍ لِنُظَلَّلْ
صادقتُ الغُربةَ في الغربةِ

وقضيتُ سنيناً أَتَعَلَّلْ
بَرَّرْتُ جميعَ حماقاتي

وَ ظَنَنْتُ بأني أتَجَمَّلْ
اليومَ أُزِيلُ عباءاتي

وَ أُكَشِّفُ عن وجهي الأَوْحَلْ
مَلِّي عينيكِ بِلاَ خَجَلٍ

فأنا الـمَوحولُ ولا أخجلْ


أَغْرَتْنِي أحلامُ الصِّبْيَةِ
فَعَدَوْتُ إلى حُلْمِي الأمْثَلْ

وَ بدأتُ السفرَ بلا زادٍ
وظننتُ بأني أتعجَّلْ

وَ نسيتُ اللهَ.. فأَهْمَلَنِي
مَنْ ينسَى اللهَ وَ لا يُهْمَلْ ؟

حُمِّلْتُ بأثقالِ الدُّنيا
أهربُ مِنْ ثِقْلٍ للأثقَلْ

و التفَّتْ طُرُقِي مِنْ حَوْلِي
واختلطَ الأَقْصَرُ بالأَطْوَلْ

واخْتَلَطَتْ أحْرُفُ لافِتَتِي
فَوَقَفْتُ مَكَاني كالأخْطَلْ

لَمْ أُسْطِعْ أن أُكْمِلَ سَيْرِي
فجلستُ وحيداً أَتَسَوَّلْ

وَ بَنَيْتُ مَزَاراً وَ مَبِيتاً

لا يَصْلُحُ إلاَّ لَلثُّمَّلْ

وَ قضيتُ حياةً واهِنَةً


لا تَسْوَى في نَظَرِي خَرْدَلْ

فَعَلامَ تُرِيدِينَ بُكَائِي ؟

وَ أنا ذو قلبٍ مُسْتَعْمَلْ

أَبْلاَهُ الماضي لم يَتْرُكْ

شيئاً لِبَلاءِ الـمُستقبَلْ

لا تَتَّهِمِينِي في عِشقِي

فأنا أعشقُ حتَّى أُنْحَلْ

والجملُ وإن يعطشْ يصبِرْ
وَ كَفِعْلِ الجَّمَلِ أنا أفعَلْ


أَهْلِكْتُ شَبابي وسنيني
فَرَمَتْ بِي في صفِّ الكُهَّلْ

وَ وقفتُ بعيداً لأشاهدَ
قصةَ عُمرِي وهِيَ تُمَثَّلْ

رفعوا خنجرَهم ودموعي
لم تجعلْ أحداً يَتَمَهَّلْ

والتهبَ المسرحُ تصفيقاً
وأنا أُطْعَنُ وأنا أُقْتَلْ

فَعَلامَ تظنينَ بِأنِّي
آتٍ مِحْرابَكِ أتَبَتَّلْ ؟؟

دَوْرُكِ في الـمَشْهَدِ فَرْعِيٌّ
بِوُجُودِكِ أو دُونَكِ يَكْمَلْ

وَكِلانا مكتوفُ الأيدي
وَ سِتارُ المسرحِ لا يُسْدَلْ

والـحُكْمُ الصادِرُ في أمرِي
حُكْمٌ فَصْلٌ لا يَتَأَجَّلْ

فدعيني في موتي وَحْدِي
فأنا والغُربةُ لا نُفْصَلْ

ما دامَ الوطنُ بلا شيءٍ
فالموتُ على شيءٍ أفضلْ


فانطردي الآن من الجدول

قصيده ايزيس لهشام الجخ

نفسي أنام فينك؟
يا ام الرموش عنقريب
(العنقريب سرير يصنعه اهل النوبة من الجريد)
ماتدمّعيش عينك
الفرح جاي عن قريب

إيزيس

إزاي بتتحمّل؟؟
أنساها .. وتجيني ..
أسقي بنات الدنيا إلاّها
ولما العطش يكويني أقاها
هي اللي تسقيني
تهديني يوم وردة
أدِّيها لفلانة
تجري على حضني احكيلها عن نانا

إزاي بتتحمّل؟
غمز البنات واوعر من غمزهم ردِّي
جاياني ملهوفة ما تلاقي غير صدِّي
أحزن في أحضانها وافرح هناك وحدي
يا ام القليب اتخلق معرفش غير يِدِّي

يا ام الفؤاد ولاّد
معرفش غير يعشق
الصبر عدّى وزاد
يا قلبها المتقاد
ما عرِفت يوم تزهق
كانت بتلبس لي اجمل فساتينها
ترمي ف صحاريا أفتن بساتينها
تِدْمع رياحينها
ولا قلبي يوم يشفق

وإزاي بتتحمل ؟؟؟
كُتر الكلام عني بحكاوي وانا غايب
الليلة كان سهران
الليلة كان سكران
الليلة كان عاشق والليلة كان دايب

يا ام الرموش طايشة وام العيون لامّة
حضبك ما حيسعنيش انا بَلْوِتي طامّة
اربع سنين يا هوا مِلْكِيّتي عامّة

كل البنات اتلبنوا بيا وتفُّوني
ورسموني خروف معلوف وسمعوا قصايد وابتسموا وصحيم بدري يوم العيد ودبحوني
بقالي ييجي اربع سنين مسمار في غيط شواكيش
دَقُّوا على راسي لكن مثبتونيش
يوم التقي مرسى وسنين ياخدني الطيش

كل الالم فيّا ومش قادر اتألم
وبتصعبي عليا ومش بقدر اتكلم
انا نفسي بس افهم
كل البلاوي ديا ازاي مابعّدوكيش

سامحيني لما اغلط
وانا تاني رايح اغلط لجلٍ تسامحيني
احلى ما في التوهان اول ما باجي اوصل واحلى ما في الاحزان انك تضميني

يا مسكناني ضلوع
جواكي راح وبراح
ما بينلهاشي رجوع
شكلي حاموت سواح

كان نفسي فيكي زمان أياميها كان لي قلب
كانت الحياة خضرا
النخلة والبقرة
والقلب طين ابيض بينام على القرآن وبيصحى وقت الحَلْب
اياميها كان لي قلب
ايه اللي قلب النور ضلمة وليل راسي؟
واشمعنى فوق راسي يحلا العذاب والقلب؟
واشمعنى سابوا الناس بقلوب خضار وعمار ؟ وف قلبي نِزْلوا سَلْب ؟
انا اول اللي اتصلب بس التاريخ كداب مفهمش معنى الصلب
ركعوا البنات ليا واتّنوا قدامي
وفي حفل اعدامي
ضحكوا وقالوا كلب

انتي اللي دمّعتي
جمّعتي جسماني من مملكة ايزوريس ويا ريت ما جمّعتي
طب كنتي سبتيني ادخل هنا غزوة واعمل هنا هُدْنة
وما دمت انا ميت ايه تِفْرِق الدفنة؟
ما البحر راح يسبق لو مهما جدّفنا
انتي اللي بتعاندي وعشمانة في الجنة
والجنة مش ليا

إزاي بتتحمل لوم الصحاب فيا؟؟
على ايه غرامك بيه؟
ده التبن من تحتيه
باقي الماعون مية
تضحك على قولهم وتبص في الساعة وتقول زمانه صِحِي
زيدي كمان نورك يا ام الجبين الضَّحِي
جَنّنِي صوت حزنك إياكي يوم تفرحي
لا الفرحة تسرقنا

لا انا حِمل مهرك ودهبك ولا جاي معاي عاجِك
ولا حمل توب من حريرك ولا ماسة من تاجك
ده انا بالكتير حاجج من وسط حجاجك
جيت لك في شهر حرام فمتهدريش دمي
ماتقربيش مني مانتيش كِفَا همي
وَلِّي لحجاجك يا ام الجبين عرفات
حبك كما الصلوات والقِبلة مش يَمِّي

يا معلماني الهوا ومسَكِّنة التباريح
حبك نخيل طارح ميهزهوش الريح
ارمي الحجر جارح تنزِل رطب مجاريح
إزاي بتتكسر اشواكي جواكي
ابكي على صدرك القى البكا تفاريح

إزاي بتتغير دنيايا جوايا اول ما اكون جنبك
وإزاي يجيلك صبر تنشفي بكايا والذنب مش ذنبك
انا الاعمى
جفاني الحب ونسيته على ايدين اللي تتسمى ما تتسمى
قطع راسي على خوانة ولا كَبَّر ولا سمّى
ولا سابني اموت مستور ولمّ عليا ميت لمّة
وذنبك ايه بقية السكة تقضيها بعجوز اعمى؟

انا اللي الناس بتخشاني هوا ومنظر
هموم الدنيا خاشاني وبتمنظر
وعايش عيشة خشّاني وبتغندر
وبتلكلك في حضن الليل سُكّيتي
عواصفي فوق حدود وصفي
وبابك صعب يتحمل عواصف مهما سَكّيتي

انا المدبوح ولما تقول لي حبيتك بحس دماغي واكلاني
اردّ بايه على بنيّة في كل كيانها شايلاني
انا المجرم وانا القاسي وانا اللي نسيتها ميت مرة ما نسيتني
ومشيتها في دروب مرة ما ملّتني
وداست ع الطريق حافية وسلّتني
وصحيت بدري وقت الفجر صلّتني

ارد بايه؟
وقلبها سابها في متاهة
قليل الاصل غَيَّاها
وقلبي التاني قسّاني وقلّ باصله ويّاها


غرامك يا ام طيف مخمل بيتجمّل
ويفرش صدري بالعنبر وبالمحمل
انا المعشوق يا كل العاشقين غيروا
تحبوا شيء جميل طبعا لكن تتحبوا ده الاجمل
حبيبتي احلى من شعري واحلى م الحروف كُمَّل
ولا بتهجر ولا بتغدر ولا بظلمها تتململ
لكني في حيرتي بستغرب
انا ازاي مش بغني لها ؟
وهي ازاي بتتحمل؟؟؟؟

قصيده سكرانه لهشام الجخ

قصيدة سكرانة
من كام شهر
خدت قرار مش هاكتب شعر
وإني هذاكر وانجح أفلح
واخد البكاليريوس وأتجوز
وأشتري عفشتي بالتقسيط
من كام شهر
أنا كنت عبيط
من كام شهر
زرعت المياه وطرحت فجلة
جاب العجل الفجلة لعجلة
وقالها مهرك
ريحة قهرك
فايحة في نهرك
قالت إوعا تعيش كسلان
بابا نويل بيوزع يويو في حرب إيران
شامم ريحة جبنة قديمة
فيلم السهرة مكنش سياسي
كان عباسي
عبدالناصر حب يقلب فينا الروس
ساوى الروس
لبرل نفسك
لأجل ما تبقى مثقف زي صاحبنا إياه
عندك ماركس عندك هيجل
عندك حسن البنا وحجي
عندك زحمة
صفي ونجي
منحى عرض النسكافيه واخد إفيه
حاصل ضرب النكسة في حرب أكتوبر في معاهدة ديفد
بيساوي حاصل ضرب النار في التار في العار
وزي إمرؤ القيس وجلامدة
اللي بتنزل من علي
عندينا واد اسمه علي
بيطلع الدبابة ويلف بيها في البلد
ومراته دايرة بشعرها تدور عليه
ومتسألوش أنا قصدي إيه
أنا نفسي مش فاهم كلامي
بس الكلام واعر حويط
أنا اللي دون الناس ... عبيط
من كام شهر وكنت بحبك
كنت بوضب روحي واحبك لأجل ما أقابلك
كنت في كل حلاتك قابلك
تفرحي قابلك
تزعلي قابلك
تتقلي قابلك
كنتي الأرض وكنت سنابلك
كنتي الحرب وكنت قنابلك
حتي في بعدك وإنتي مسافرة
وبيني وبينك ألف محطة
كنت بقابلك
عمري يا "نانا" ما قلبي اتنازل ولا ساب حقة
زي ما سابلك
عمره ما ضحى بسهده وسهره وجاب من عمري
زي ما جابلك
)هذا الوجع بقاياكي
سحر تمدد بين ضلعي
وتواري خلف سلم منزلك
ترك لكي رسالة كل صباح(
وسافر
يشهد عليكي السلم المستني خطوتنا
تشهد عليكي الشبابيك اللي فتحتيها علشاني في نص الليل
وعز البرد
يشهد عليكي محل الهدايا اللي ع الناصية
وكشك الورد
تشهدعليكي هدومك اللي قولتلك ما تلبسهاش
تشهد عليكي إمتحاناتي اللي علشانك مدخلتهاش
تشهد عليكي ودني هوستن جورج مايكل
عم شوقي بتاع الفطير
كيف يصير الحال كده
م الإبتدا
أنا اللي غلطانلك
وأنا اللي محقوقلك
وأنا اللي دون الناس
عشقتك
كنت عايش جوه صدرك حلم دافي
كنت بنسى الناس وأجيلك يوم معادك
يكش حافي
كنت أبسط من بسيط
واكتشفت إني ف هواكي
كنت دون الناس
عبيط

(سرى جدا الى البحر ) هشام الجخ

وبَقُولُه يَا بَحر ليه المُوج فِى عِز الهُوج مَابِيخَلِصْش

و المِلح سَد وِدَانَك ودَانَك لَجل مَاتخَلِصش

يَا بَحر كَام ألف بِت زَغزَغت رِجلِيهُم

ورَفَعت عَنهَا الحِجَاب ولَزَقت فُستَانهَا بالعَانِى عَلَى ضَهرَهَا

وجَرَحت رِجْل الوَاد اللى جِرِى فِى ضَهرَهَا

وعَمَلت مِلحَك دَوَاَ واللى جِرَاحُه هَوَى

مَالهُوش طَبِيب غِيرَك

طَب لِيه بِتبخَل عَلَيَا

مَع إِن " نَـــــانَـــــا " صَبِيَه

زَغزَغت رِجلِيهَا ورَفَعت عَنهَا الحِجَاب

ولَزَقت فُستَانهَا بالعَانِى عَلَى ضَهرَهَا

ودَبَحتِنِى فِى مَهرَهَا ودَفَعتِلَك رَاضِى

خَلِيتلِى حُبِى قَضِيَه وعَمَلتِلِى قَاضِى

وكَوِيت بِملحَك جَرحِى كِيف الدَبْح

مِن مِيتَى يَا بَحر الِجرَاح بطِيب بِحَبِة مَلح

و أنا أصلِى واخد ع الـوَجَّع ..

و أمَّا الجِـرَاح بتْصِيـب جَـدَّع ..

بيصِير وجَعْهَا بــــ مِيت وَجَّع

تعرف يا بحر الـ ميت وَجَّع ..

وَجَّع اللى حَبيِتهَا وسَابِتنى

وَجَّع اللى بعنِيها سَابِتنى ..

وَجَّع اللى عَمَلِت مِنى رَمل فى قَعر جُوفَك رسَّبتنى ..

و تُسعُمِيت مِليُون وَجَّع للذكرَيَات ..

أصْل المحبه يا بحر مِش فَتره وتِعَدى

دِى عُمر شَايِل صُوت هِزَارِى و غُلب جَدّى ..

فِكر طَايِح يُوم يِجيب و شُهور يِوَدِّى ..

و تُسعُمِيت مِليُون وَجَّع ..

عَدَد المحَاره و الوَدَع

عَدَد الكَلام مِن بِين شَفَايِفهَا الجُمَال

عَدَد الشَمَاسِى و الكَرَاسِى و البَنَات ..

عَدَد الرِمَال عَدَد المطَر يا أبو قَلب أقسَى مِن الحَجَر ..

كُل اللى فَاكرِينَك بتجَمَّع للحَبَايِب شَملُهم ...

عَـــــــــــــالَــــم بَـــــــــــقَــــــــــــــــــــــــرْ

مَا أنَا جِبتَهَالَك .. مِشْ جِبتَهَالَك ؟ ..

شَهِد الشَمس اللى لِسّه سَمَارهَا فُوق ضَهرِى تِقُولَك

إِنى يَا بَحر إِئتَمَنتَك جِبتَهَالَك

ولا لِيه شَهِد رِمَالَك

عَلِّى صُوتَك سَمَّع الرَمل اللى مَدبُوح مِن قَسَاوتَك

وإِندَاهُه و إِن كَان يِجَاوِب إسألُه

فِين قُصُور الوَاد دَاهُه

هيقُولُولَك ما إنت يا بَحر اللى هَدِيتهَا

وسَوِيتهَا بِبَاقِى الشَط

هيقُولُولَك هُوَ هُوَ المُوج يا بَحر

زَى مَا جَمَّع حَبَايِب زَى ما كَسَر قُصُور

بَس النُوبَه دِى يا بَحر مُوجَك القَاسِى كَسَرنِى

هُوَ أَنا نَاقِص كُسُور

لَو تِعَرِينى يَا بَحر تِلقَى جُوَايَا بَنَات مَالْهَا عَدَد

ولَا إِتكَسَرتِش

زَى مَا تقُول جِسمى نَحَس مِن الحَريِم وبَقِيت وَتَـــدّ ..

بس النُوبَه دِى مَاإنتَصَرتِش

بَعتِرفلَك يَا هَوَى البَحر إِنى مَغلُوب النُوبَه دِى

بَس خَلِيك وَاعِى دَايماً و إفتِكِر مِين اللى بَادى

ومِن اللِيلادِى لا إِنتَ صَاحبِى ولا أعرِفَك

إِيَاك تِشُوفنِى بِبِنتْ حِلوَه وتُطلُب إِنى أعَرِفَك

صَبرَك عَلَيا

و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك

كِيِفْ الذَلِيل

مِن اللِيلادِى سَمَاك يَا بَجر هتِبقَى لِيل

مِن اللِيلادِى هـ أطفِى شَمسَك و أطمِس الدُنيَا ونَهَارهَا

" نَـــــانَـــــا " مَـــــاتِـــــت

بَس فَاضِل لِسَه نَارهَا

و العَزَا عَالِق مَا بِينِى و بِينَك إنتَ

والله مَا هَقبَل عَزَاك

قَبل مَاخُد بإيدِى

تَــــــــــــــــــــــــــــــــــــــــارهَــــ ـــــا

(ايوه بغير ) هشام الجخ

أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عندك .. عندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

(علي ذكر ال النبي) هشام الجخ

على ذكر آل النبي، وقف الكلام معدول ..
نظره يا سيدنا العلي، سيفك جلى معدول ..
يا رب عبدك كواه، عشقه لرسول الله، لا طلبت مال و لا جاه، بس اتحشر مع دول ..

مديتش ايدي لحد و لرحمتك مدِّيت ..
عاجز في كل السكك، و في سكتك مدِّيت ..
آسف على الليل اللي من غيرك رقدته ..
آسف على شراع الذنوب اللي فردته ..
آسف على كل اللي خدته و عمري يوم ما أدِّيت !!!!!

قصيده هشام الجخ (نانا)

هذا الحلم الاحد الصمد الساكن فيا
ماازلت وبرغم الثورة تحكمني حكما ملكيا
نانا البت الدوشة الظيطة
المغرب تنزل في الاستاد انا كنت دهل صغير لسة
بسرح شعري من الضهرية
وشايف شعرها نازل يدلع على خدها
المكوة البايظة كأنها عارفه معادي معاها اشتغلت وحدها
فرحت بيا سلالم بيتنا وانا نازل بتنطط فرحة
قلعت عنها حجاب الطرحة واعدت تدعي
شم المدخل ريحتي عرفني
غمزلي بعينيه عرفته كشفني كسفني
ضربته في عينه وطرت
زعق فيا وقالي هتفضل برضه صغير مهما كبرت
مدخل اللي مربيني كان دايما عايش ويايا
كان يسهر في الامتحانات ويوصلنا لغاية اللجنة ويستنانا
والمرادي قالي امانة امانة
يارايح لتسلم على نانا
اصحابي عايزني اوصفها
وانا مش لاقي في وصفها زي
شعرها اسود لا مش اسود
شعرها ناعم لامش ناعم
شعرها زي اللي ملوش زي
اسمها نانا وساكنه وريدي
بس الناس بيقولوا عليها ساكنه معانا في نفس الحي
مشيها زي غرير المي
رمشها زي جدايل ضي
جدها من النوع الوحداني اللي ملوش خي
نانا كانت لما بتضحك يحلا في عيني العمر الجي
كانت لما بتجرح قلبي تحلى لقلبي قولة اي
قال وصحابي بيقولوا اوصفها
طب والله نفسي اوصفها
بس هاتولي في وصفها زي